[rap] olin li tawa jan ale kin

jan mute li pilin e ni: meli en mije li wile
olin e ante. taso mi toki e ni: tan seme?
jan mije li ken ala olin e mije anu seme?
jan li lukin ike, la jan sewi li pilin ike,

ike mute. jan li nasa. ale li sona. tenpo pini la
mi sona ala e ni. mi wile sona li kama sona.
sona li suli li pona. taso jan mute li sona ala
e ni: mije seme li olin e mije? a! (mije ni li pona kin.)

jan li wan. jan wan li sama ala jan ante wan.
jan ala li ken lawa e pilin ona. o pakala!
sina meli, la sina wile, la o uta e meli sina!
o pilin ike ala tan pilin utala pi jan nasa!

olin li pilin pi pona mute a! pilin sama li lon ala.
ni li ike ala ike: jan li olin e jan?
jan li mije anu meli. jan olin li ken ali.
musi ni li pini ala. taso musi nanpa wan li pini.

tenpo pini la mi sona e jan mije lon
poka pi tomo mi. ona li pona li lon tomo
kepeken mama lete. mama li olin ala,
la jan ni li lukin tawa olin lon poka pi mije wawa.

ona tu li lon ma, la len ona li lon anpa.
ona tu li lon ma, la palisa ona li wawa.
ona tu li lon ma, la jan wan li lukin e ona,
la ona tu li tawa. tenpo kama la mije wawa

li mije weka. jan pi tomo poka li pilin ike.
mi tawa ona, la mi toki lon tenpo mute,
la mi kama olin e ante. mi olin e sama,
la mama ona li kama sona, la mije mi li tawa weka kin.

mi mute li ken ala toki. mi mute li ken ala lukin.
mi mute li ken ala pilin. mi mute li wile moli.
tenpo suno wan la mi mute li lukin e sama,
la mi lukin tawa nena weka, li tawa moli anpa.

olin li suli. olin li pona.
olin li ike. olin li sona.
jan li toki e ni: olin li kon ale.
mi toki e ni: jan mute li wile utala li awen.

jan li wile sin li wile olin
li wile ala utala. tenpo ni
la mi pana e namako tawa sina
tan ni: mi olin e musi e jan mute sina.

olin li tawa jan ali.
sina ken ala ante e olin.
pilin utala li lon pilin,
la sina wile pilin e ike.

jan pona li utala ala.
jan utala li pakala mute,
la jan pona li olin e ante.
jan li jan taso li soweli ante.

tenpo sike suno pini mute la mi toki
e ni: o utala ala!... taso jan li utala toki
lon tenpo ale. mi mute li pilin ike.
tenpo ale la jan utala li toki sike.

jan li jo e olin. jan li jo e wile.
jan li olin e meli. jan li olin e mije.
jan li wile utala, la jan mi li awen.
jan li utala, la jan pi mi mute li anpa len.

jan li pilin utala tan sina, la o lukin weka taso. jan ni li nasa. sina ken ala pali e ijo. taso sina ken olin. olin li pona. ni li suli taso.