musi #1

jan mute li pilin e ni: meli en mije li wile
olin e ante. taso mi toki e ni: tan seme?
jan mije li ken ala olin e mije anu seme?
jan li lukin ike, la jan sewi li pilin ike,

ike mute. jan li nasa. ale li sona. tenpo pini la
mi sona ala e ni. mi wile sona, kama sona.
sona li suli li pona. taso jan mute li sona ala
e ni: mije seme li olin e mije? a! (mije ni li pona kin.)

jan li wan. jan wan li sama ala jan ante wan.
jan ala li ken lawa e pilin ona. o pakala!
sina meli, la sina wile, la o uta e meli sina!
o pilin ike ala tan pilin utala pi jan nasa!

olin li pilin pi pona mute a! pilin sama li lon ala.
ni li ike ala ike: jan li olin e jan?
jan li mije anu meli. jan olin li ken ali.
musi ni li pini ala. taso musi nanpa wan li pini.

sike

olin li tawa jan ali.
sina ken ala ante e olin.
pilin utala li lon pilin,
la sina wile pilin e ike.

musi #2

tenpo pini la mi sona e jan mije lon
poka tomo mi. ona li pona li lon tomo
kepeken mama lete. mama li olin ala,
la jan ni li lukin tawa olin kepeken mije wawa.

ona tu li lon ma, la len ona li lon anpa.
ona tu li lon ma, la palisa ona li wawa.
ona tu li lon ma, la jan wan li lukin e ona,
la ona tu li tawa. tenpo kama la mije wawa

li mije weka. jan pi tomo poka li pilin ike.
mi tawa ona, la mi toki lon tenpo mute,
la mi kama olin e ante. mi olin e sama,
la mama ona li kama sona, la mije mi li tawa weka kin.

mi mute li ken ala toki. mi mute li ken ala lukin.
mi mute li ken ala pilin. mi mute li wile moli.
tenpo suno wan la mi mute li lukin e sama,
la mi lukin tawa nena weka, li tawa moli anpa.

sike

olin li tawa jan ali.
sina ken ala ante e olin.
pilin utala li lon pilin,
la sina wile pilin e ike.

pini

jan li pilin utala tan sina, la o lukin weka taso. jan ni li nasa. sina ken ala pali e ijo. taso sina ken olin. olin li pona. ni li suli taso.

Related

  • mostly spoken word renditions of pieces written in toki pona, released or otherwise | jaki mi
    2021. 08. 07. 11:00

  • intro

    Hi, I'm uhm... well, me.
    jan Sotan, Ae. Dschorsaanjo, jan ala, or just Zoli
    and this is the mostly spoken word renditions of pieces written in toki pona, released or otherwise.
    As the title says, it is not going to be my usual stuff.
    You shall hear lyrics previously unrecorded, possibly unpublished,
    along with some that you might have heard before,
    long and long agone in a galaxy we occupy.
    After these last few sentences though, nigh everything shall be in toki pona, so...

    original script of performance for suno pi toki pona

  • [rap] pilin ike awen
    2020. 12. 02. 21:00

  • tenpo mute la tawa sina la mi wile toki e ijo.
    mi ken ala awen e kalama ni, la mi wile awen tawa kon.
    toki mi li lon. sitelen sina li jaki.
    o tawa mama sina li nimi e ona sama "Mami!"
    sitelen mi li sitelen sama ala sitelen pi jan ante.
    sitelen mi li sitelen sama pu. ona li ken ala ike ante.
    tenpo mun pini mute la mi toki e ni: "I'm back!"
    tenpo ni la mi sitelen li toki ala awen...

  • [rap] Tokipokalama
    2020. 08. 06. 01:59

  • tenpo li kama tawa pini tenpo.
    jan li alasa e jan olin ike. sina ken jo
    e jan olin pona e jan pona olin.
    tan seme la sina wile e jan nasa sama mi?
    tenpo mute la mi sitelen e ijo pimeja.
    mi sitelen e toki pi pu ala, la jan mute li kalama
    li wile utala e mi. mi sona ala e tan ona.
    mi kepeken toki pona. ni li ike anu pona?..

    This is a lyrics I've been struggling to record, so I finally publish it here.