musi#1

ni li tenpo pimeja. ni li pimeja lon ma.
sina ken ala kute e kalama.
jan ante li lape. taso mi sitelen e ijo.
mi wile sona e ni: ona li seme lon

tenpo kama la ken la mi awen e kalama ni.
ken la mi pali e pilin ike tawa mama [mije] mi.
noka mi li kiwen ala. noka mi li ko taso.
pilin mi li suwi ala. pilin mi li kiwen. taso

mi ken pilin e ali. mi ken pilin e pilin sina
e kon sina e olin sina e kalama pi kulupu sina.
mi wile lape. ona li tenpo pimeja.
tenpo suno li kama tawa la mi wile e wawa ala.

ni li nimi mute a. oko mi li loje kin.
lawa mi li jo ala e wawa. ona li ike.
ni li kule ala. mun taso li ante -- walo.
mi wile mute lape. taso mi jo ala e ilo.

"lawa pi esun o, open e lupa ni!
mi wile moku e palisa moli lon tenpo ni.
mi wile mute moku. mi ken ala pali e ni
la tenpo kama la mi pana weka e lawa mi."

sike

ona li musi lili taso lon tenpo pimeja.
ona li tenpo pimeja la wawa li tawa weka.
kule pi kasi kiwen li ken laso anu walo. !++ laso as green, walo as 'covered by snow'
mi sona ala e kalama ni. ken la ona li waso.
jan pona li lape. jan nasa ni li sitelen.
mi wile pali e ni. taso lon nasin seme?
mi moku e kili. ona li ike. pakala!
mi moku e telo walo. ona li pona. o mama...!

musi#2

mi pilin e wawa ala. [tan ni la] mi wile e lape.
"mi monsuta li ala suwi" -- ona li musi ante.
soweli suwi mi li lape kin.
meli mi lon tenpo pini li lape kin.

taso mi lon supa la linja mi li nasa.
mi jo ala e moku. mi wile alasa.
mi moku e ala la mi moli lon tenpo kama.
la noka en luka mi li lete e weka

tan sewi mi. monsi mi li lukin e kon laso.
tomo moli anpa ma la mi jan ala taso.
mi wile ala e ni la mi wile lape lon
tenpo ni. mi wile lukin sike e suno jelo.

ona li kon nasa taso li suli ala.
mi kama lape. akesi ala anpa supa.
mi pilin ala lete lon len lape.
mi kute e kalama. ona anu jan li seme?

musi awen

ona li seme?
o! ona li soweli mi taso.
sina wile ala wile lape kin?
o kama tawa ma ni!
ni li ma tawa sina lon supa mi.
lape pona! o, soweli suwi mi!

sike

ona li musi lili taso lon tenpo pimeja.
ona li tenpo pimeja la wawa li tawa weka.
kule pi kasi kiwen li ken laso anu walo.
mi sona ala e kalama ni. ken la ona li waso.
jan pona li lape. jan nasa ni li sitelen.
mi wile pali e ni. taso lon nasin seme?
mi moku e kili. ona li ike. pakala!
mi moku e telo walo. ona li pona. o mama...!

Related

  • mostly spoken word renditions of pieces written in toki pona, released or otherwise | jaki mi
    2021. 08. 07. 11:00

  • intro

    Hi, I'm uhm... well, me.
    jan Sotan, Ae. Dschorsaanjo, jan ala, or just Zoli
    and this is the mostly spoken word renditions of pieces written in toki pona, released or otherwise.
    As the title says, it is not going to be my usual stuff.
    You shall hear lyrics previously unrecorded, possibly unpublished,
    along with some that you might have heard before,
    long and long agone in a galaxy we occupy.
    After these last few sentences though, nigh everything shall be in toki pona, so...

    original script of performance for suno pi toki pona

  • [rap] pilin ike awen
    2020. 12. 02. 21:00

  • tenpo mute la tawa sina la mi wile toki e ijo.
    mi ken ala awen e kalama ni, la mi wile awen tawa kon.
    toki mi li lon. sitelen sina li jaki.
    o tawa mama sina li nimi e ona sama "Mami!"
    sitelen mi li sitelen sama ala sitelen pi jan ante.
    sitelen mi li sitelen sama pu. ona li ken ala ike ante.
    tenpo mun pini mute la mi toki e ni: "I'm back!"
    tenpo ni la mi sitelen li toki ala awen...

  • [rap] Tokipokalama
    2020. 08. 06. 01:59

  • tenpo li kama tawa pini tenpo.
    jan li alasa e jan olin ike. sina ken jo
    e jan olin pona e jan pona olin.
    tan seme la sina wile e jan nasa sama mi?
    tenpo mute la mi sitelen e ijo pimeja.
    mi sitelen e toki pi pu ala, la jan mute li kalama
    li wile utala e mi. mi sona ala e tan ona.
    mi kepeken toki pona. ni li ike anu pona?..

    This is a lyrics I've been struggling to record, so I finally publish it here.